İşbu vücudum şəhrinə bir dəm girəsüm gəlür

İşbu vücudum şəhrinə bir dəm girəsüm gəlür Müəllif: Yunus Əmrə

Mənbə: Yunus Əmrə, Əsərləri. Bakı: Öndər, 2004. (Tərtib edəni: Cəlal Bəydilli (Məmmədov))

  
İşbu vücudum şəhrinə bir dəm girəsüm gəlür.
İçindəki sultanun yüzin görəsüm gəlür.

Eşidürəm sözini, göreməzem yüzini,
Yüzini görmekligə canum verəsüm gelür.

Ol sultan xəlvətinün yedi hücrəsi vardur,
Yedisinden içərü seyran qılasum gəlür.

Hər qapuda bir kişi, yüz bin çərisi vardur,
Eşq qılıcın quşanub cümlə qırasum gelür.

Ərənlərim söhbəti arturur mə'rifeti,
Bidərdleri söhbətdən hər dəm sürəsüm gelür.

Leyliyi-Məcnun bənəm, şeydayi-Rəhman bənəm,
Leyli yüzin görməgə Məcnun olasum gəlür.

Dost oldı bunca mehman, bunca yıl necə zəman,
Gerçək İsmayıl kibi qurban olasum gəlür.

Miskin Yunusun nəfsi dört təbiət içində,
Eşq ile can sirrinə pünhan varasum gəlür.