Keçər (Əhməd Cavad)

Eyni adda digər əsərlər üçün dəqiqləşdirmə səhifəsinə baxın.

Keçər (Əhməd Cavad) Müəllif: Əhməd Cavad

Mənbə: Əhməd Cavad. "Seçilmiş əsərləri" (PDF) (az.). Şərq-Qərb. 2005. 2018-09-27 tarixində arxivləşdirilib (PDF). İstifadə tarixi: 2018-09-27.

Bəzən yosmalar alayı,
Əllərində nurdan ayı
Dağdan, arandan keçər!

Bezən elin bir qadım,
Bildiyin yoxkən adını,
Gülümsər, yandan keçər!

Hərdən yumuşaq bir ipək,
Dalğalanar ətək-ətək,
Ürəkdən, qandan keçər!

Görürsən bir telli yıldız,
Şimşəyi andıran bir qız
Süzülüb, qandan keçər.

Şümşad boylu, gözü almaz,
Salam verrəm, salam almaz!
Cavadı heç saya salmaz.
Gedib, biyabandan keçər!