Bismillahir-rəhmanir-rəhim!
{{ayə|80|1.}} (Peyğəmbər) qaşqabağını töküb üzünü çevirdi.
{{ayə|80|2.}} Yanına korun (Abdullah ibn Ümmi-Məktumun) gəlməsindən dolayı.
{{ayə|80|3.}} Nə bilirsən, bəlkə də, o (səndən islama dair soruşub öyrənəcəkləri ilə) təmizlənəcəkdir!
{{ayə|80|4.}} Yaxud öyüd dinləyəcək və bu öyüd ona fayda verəcəkdir!
{{ayə|80|5.}} (Var dövlətinə güvənib sənin öyüd-nəsihətinə qulaq asmağa) ehtiyac hiss etməyənə (dövlətliyə) gəldikdə,
{{ayə|80|6.}} Sən üzünü ona tərəf çevirirsən (onun sözünə qulaq asırsan).
{{ayə|80|7.}} Onun (küfrdən) təmizlənməsindən sənə nə?!
{{ayə|80|8.}} Yüyürə-yüyürə sənin yanına gələn
{{ayə|80|9.}} Və (Allahdan) qorxan kimsəyə gəldikdə isə,
{{ayə|80|10.}} Sən ondan üz çevirirsən!
{{ayə|80|11.}} Xeyr! (Belə yaramaz, bir daha belə etmə). Həqiqətən, bu (ayələr) bir öyüd-nəsihətdir.
{{ayə|80|12.}} Kim istəsə, ondan öyüd alar.
{{ayə|80|13.}} (Bu Qur’an Allah dərgahında) çox möhtərəm (mö’təbər) səhifələrdə -
{{ayə|80|14.}} (Qədir-qiyməti) yüksək (şanı uca), tərtəmiz səhifələrdədir (Şeytan onlara toxuna bilməz).
{{ayə|80|15.}} (O, Allahla peyğəmbərlər arasında olan) elçi mələklərin əlləri ilə (lövhi-məhfuzdan köçürülür, yaxud o, elçi mələklərə e’tibar edilmişdir).
{{ayə|80|16.}} (O mələklər ki, Allahın yanında) çox möhtərəm, (Allaha) çox müt’idirlər.
{{ayə|80|17.}} Ölsün (kafir) insan! O nə nankordur!
{{ayə|80|18.}} (Bu təkəbbür onda hardandır? Allah) onu hansı şeydən yaratdı?
{{ayə|80|19.}} (Allah onu bir qətrə dəyərsiz) nütfədən yaratdı, ona biçim verdi.
{{ayə|80|20.}} Sonra onun üçün (ana bətnindən çıxış) yolunu asanlaşdırdı.
{{ayə|80|21.}} Sonra onu öldürüb qəbrə qoydu.
{{ayə|80|22.}} Sonra da istədiyi vaxt onu dirildəcəkdir.
{{ayə|80|23.}} Xeyr, (insan Allahın) ona buyurduğunu hələ yerinə yetirməmişdir.
{{ayə|80|24.}} İnsan hələ bir yeməyinə baxsın! (Görsün ki, ona necə ruzi verdik).
{{ayə|80|25.}} Həqiqətən, Biz yağışı bol yağdırdıq.
{{ayə|80|26.}} Sonra yeri gözəl yaratdıq (yaxşı yardıq),
{{ayə|80|27.}} Belə ki, orada dən (dənli bitkilər) göyərtdik;
{{ayə|80|28.}} Üzüm və yonca;
{{ayə|80|29.}} Zeytun və xurma (bağları);
{{ayə|80|30.}} (Ağacları bir-birinə) sarmaşan bağçalar;
{{ayə|80|31.}} (Növbənöv) meyvələr və ot (ələf) yetişdirdik.
{{ayə|80|32.}} (Bütün bunlar) sizin və heyvanlarınızın istifadəsi üçündür!
{{ayə|80|33.}} Nəhayət, qulaqları kar edən (o dəhşətli səs) gələndə (İsrafil surunu çalanda);
{{ayə|80|34.}} O gün insan qaçacaq öz qardaşından;
{{ayə|80|35.}} Anasından, atasından;
{{ayə|80|36.}} Zövcəsindən və oğullarından!
{{ayə|80|37.}} O gün onlardan hər birinin istənilən qədər işi olacaqdır! (Hər kəs öz hayında olacaq, heç kəs heç kəsin halından xəbər tutmayacaqdır).
{{ayə|80|38.}} O gün bir çox üzlər parlayacaq,
{{ayə|80|39.}} Güləcək, sevinəcəkdir.
{{ayə|80|40.}} O gün bir çox üzlərə isə toz-torpaq qonacaq,
{{ayə|80|41.}} Onları zülmət (yaxud his) bürüyəcəkdir.
{{ayə|80|42.}} Onlar (pis əməllərə uyan) kafirlər, pozğunlardır!
{{Surə|80}}
|