Öyün, millət!: Redaktələr arasındakı fərq

O gün millət ki əltafı<ref>Lütfləri.</ref> olub şövkətli sultanın,

Hilalın haləsi qılsın əhatə türk övtanın<ref>Vətənlərini.</ref>.

Təfaxür eylə, ey millət, muradın hasil olmuşdur,

Daha əflakə yüksəlməz əninü ahü əfğanın.

Ziyasız rus zülmündən o yüksək ruhun ölmüşdü,

Dökürdü şişəyə hər dəm şərabi-nab tək qanın.

Qızılgül tək açıl, gül, gör ki, türkün şanlı ordusu

Rivaqi-ərşə nəsb etmiş<ref>Göyün tavanına sancmış.</ref> böyük Osmanlı ünvanın.

Səmaya doğru toğrul tək sən, ey türk oğlu, uç, yüksəl

Ki, sənsən şanlı övladı şərəfli əski Turanın.

Bulud altında qalmışdı əgərçi kövkəbi-bəxtin<ref>Bəxtinin ulduzu.</ref>,

Gör imdi nəcmi-zahir tək hilalın, nəcmi-tabanın<ref>Ayını, parlaq ulduzunu (Osmanlı bayrağındakı ay-uldu nəzəedə tutulur).</ref>.

Gərək taği-müqərnəsdən asılsın türkün tuğrası<ref>Göy qübbəsinin tağından.</ref>,

Mələklər zibi-duş etsin livasın Ali-Osmanın<ref>Mələklər Osmanlı bayrağını çiyin bəzəyi etsin.</ref>.

Bütün, Mümtaz, ellərdən olar türk milləri mümtaz<ref>Seçilmiş, üstün.</ref>,

Sürər bundan sora türklük çərəfli-çanlı dövranın.