Yurdum (Məlikballı Qurban)

Eyni adda digər əsərlər üçün dəqiqləşdirmə səhifəsinə baxın.

Çəmənli, çiçəkli soyuq bulaqlı,
Dərəli, təpəli, obalı yurdum.
Qoyunlu, quzulu, güllü yaylaqlı,
Cahanda birinci səfalı yurdum.

Arandan köçəndə bura düşərlər,
Pendiri, süd, yağı sağın edərlər.
Qız-gəlinlər həm oynayıb gülərlər,
Həmişə əlləri xınalı yurdum.

Arandan köçənin buradır yolu,
Ağalar nökərdən haqq-hesab alı,
Onların duası müstəcəb olu,
Hayıf ki, düşmüşəm aralı yurdum.