Çətindi (Ağ Aşıq)

Eyni adda digər əsərlər üçün dəqiqləşdirmə səhifəsinə baxın.

Çətindi Müəllif: Ağ Aşıq

Mənbə: Yusif Səfərov. Naxçıvan aşıqları və el şairləri (PDF) (az.). Naxçıvan: "Əcəmi" NPB. 2011. 2017-10-05 tarixində arxivləşdirilib (PDF). İstifadə tarixi: 2017-10-05.

Libasnan, duruşnan, boyun-buxunnan,
İnsanı tanıyıb, bilmək çətindi.
Qanannan, qanmaznan dolanmaq olar,
Yarımçığı başa salmaq çətindi.

Mətləbini söylə, mətləb qanana,
İşarə lazımdı arif olana,
Tərəqqidən tənəzzülə enənə,
“Bəh-bəh”-deyib, qəh-qəh gülmək çətindi.

Allahverdi işin yox fitnə, felnən,
İnsanı qarşıla şirin dilinən,
Ayrılma yoldaşdan, bir ol elinən,
El olmasa, tək ucalmaq çətindi.