Öldür məni

Öldür məni Müəllif: Aşıq Bəsti

Mənbə: Aşıq Bəsti. "Bənövşələr" (PDF) (az.). Gəncə. 2013. 2018-09-14 tarixində arxivləşdirilib (PDF). İstifadə tarixi: 2018-09-14.

Dedim: fələk öldür məni,
Nə öldürdü, nə güldürdü.
Ağlatdı, yaylıq vermədi,
Gözüm tikanla sildirdi.

Gül yerinə, tikan verdi,
Gün vermədi, duman verdi.
Bizlərə zimistan verdi,
Gücünü bizə bildirdi.

Tez ayrıldıq dağlardan biz,
Çöldə qaldı, lalə, nərgiz,
Çeşmələri axdı göz-göz,
Bəstini təşnə öldürdü.