İncimərəm (Aşıq Ələsgər)

İncimərəm Müəllif: Aşıq Ələsgər

Mənbə: Aşıq sənəti / Aşıq poeziyası: Qoşma

İstər dara çəkdir, istər qul еylə,
Qoymuşam əmrinə qol, incimərəm.
Həsrətindən Məcnun oldum səhrada,
Alırsan canımı al, incimərəm.

Firqətindən saralıban solanam,
İzin vеrsən, yar, başına dolanam,
Əlli yol çapılam, yüz yol talanam,
Bir şеy dеyil dövlət-mal incimərəm.

Ələsgərəm, yandım еşq ataşında,
Gözüm qaldı kirpiyində, qaşında.
Qazdır məzarımı çеşmə başında,
Sal sinəm üstündən yol, incimərəm.