İndi (Muxayıl Göyçəli)

Eyni adda digər əsərlər üçün dəqiqləşdirmə səhifəsinə baxın.

İndi (20 fevral 1942) Müəllif: Muxayıl Göyçəli

Ay gözəlim, - mən dərdini çəkməkdən,
Dağılıbdı huşum, zayılam indi.
Dur bircə busə ver alma yanaqdan,
Tümən əvəzinə qayılam indi.

Eşqinin atəşi dağıdır sərim,
Çox da naz eyləmə, ey gözəl pərim.
Atgınan rübəndin camalın görüm,
O, gül camalına mayılam indi.

Muxayılam, mətləbinə çatasan,
Mənim ilə xoş ixtilat qatasan.
Baş qoyuban qolum üstə yatasan,
Durmuşam qapında sayılam indi.

Mənbə

• Araz Yaquboğlu, Daşkənd aşıqları və şairləri, Bakı, "Nurlan", 2008. səh.79