Ələsgər (Aşıq Nəsib)

Eyni adda digər əsərlər üçün dəqiqləşdirmə səhifəsinə baxın.

Ələsgər Müəllif: Aşıq Nəsib

Mənbə:

Aşıq Ələsgərə

 
Dədələr dədəsi, dədələr xası,
Aşıqlar içində pirdi Ələsgər.
Nəsib şəyird misal ona qabaqda,
Dünyaya gələndən birdi Ələsgər.
 
Göyçənin adını yazıb ellərə,
Şirin söz-söhbəti düşüb dillərə,
Çox təriflər deyib incə bellərə,
Söz də çox təzədi, tərdi Ələsgər.
 
Nəsib fürsət düşdü üz-üzə gəldim,
Belə bir ustadla göz-gözə gəldim,
Hərbə-zorba oldu, söz-sözə gəldim,
Gördüm açılmamış sirdi Ələsgər.