Ala gözlərinə qurban olduğum

Ala gözlərinə qurban olduğum
Müəllif: Öksüz Aşıq
Mənbə: Anar (1999). Min beş yüz ilin oğuz şeri. Antologiya, I kitab. (az). Bakı: "Azərbaycan". 2017-07-08 tarixində arxivləşdirilib. 2017-07-08 tarixində istifadə olunub.

Ala gözlərinə qurban olduğum
Əcəlim gəlmədən öldürmə məni.
Gizlicə, oğrunca səni sevərəm
Sirrimi faş etmə, bildirmə məni.

Səni mənə verən o uca Qəni,
Alarlar əlimdən, qorxuram, səni.
Boynumu büküb də öldürsən məni
Üstümə düşmanım güldürmə məni.

Ölüm dedikləri gəlməz eynimə
Dola ağ qollann, dola boynuma.
Soyunub əynini girsən qoynuma,
Sabah oldu deyə qaldırma məni.

Öksüz Aşıq bunu boylə söylədi,
Yenə eşqin dəryasmı boyladı.
Sənin eşqin məni Məcnun eylədi
Tərk edib dağlara saldırma məni.