Ala gözlərini sevdiyim dilbər

Ala gözlərini sevdiyim dilbər Müəllif: Qaracaoğlan

Mənbə: Seçmə aşıq şeirləri. 3 cilddə. I cild (az). DGTYB (2011). Orijinal mənbədən 2016-04-01 tarixində arxivləşdirilib. Yoxlanılıb 2016-08-11.

Ala gözlərini sevdiyim dilbər,
Sana bir tənhada sözüm var mənim.
Qumaş yüküm dost köyünə çezildi
Bir zülfü siyaha nazım var mənim.

Ağ əllərə al xınalar yaxınır,
Ala gözə siyah sürmə çəkinir,
Dostu olan dost yoluna baxınır,
Dosta gidən yolda izim var mənim.

Yigit olan gizli sirri bildirməz,
Gözəl olan gül bənzini soldurmaz,
Hər olur-olmaza meyil aldırmaz,
Bir şahan avlar da bazım var mənim.

Qaracoğlan derki qonanlar köçməz,
Bu ayrılıq biznən arasın açmaz,
Bir kötü könlüm var gözəldən keçməz,
Nə gözələ doymaz gözüm var mənim.