Bülbüləm, gülşən ara bir güli-tər axtarıram

Bülbüləm, gülşən ara bir güli-tər axtarıram
Müəllif: Hacı Əliş ağa
Mənbə: Sazlı-sözlü Göyçə (II kitab) (az). Elm və təhsil (2018). Orijinal mənbədən 2018-06-01 tarixində arxivləşdirilib. Yoxlanılıb 2018-06-01.

Bülbüləm, gülşən ara bir güli-tər axtarıram,
Gül tər səhni-çəmənlərdə bitər, axtarıram.

Salıban boynuma zəncir, dolanıb gəşt eylərəm,
Qeystək xeyməyi-Leylayə güzar axtarıram.

Hədd həştadə yetib, eşq hələ başımda var,
Eyb olmaz ki, desəm: eşqə kəmər axtarıram.

Qaç sənələrdə ki, qeyb etməmiş ol mah bəşər,
Gəzirəm xanabəxanə, dəri-dər axtarıram.

Zati-pak aqilə və kamilə bir ali nəsib,
Hacıya, ali təbiət ola gər, axtarıram.