Başabaş

Eyni adda digər əsərlər üçün dəqiqləşdirmə səhifəsinə baxın.

Mənbə: Şair Məmmədhüseyn (2018). Nur çeşməsi (az). Elm və təhsil. Yoxlanılıb 2018-09-20.

Anlamazı, nadürüstü, nadanı,
Dəyişəsən bir qoyuna başabaş.
Mərifət gözləsə, anlağın bilsə,
Kim qurban eyləməz belə başa-baş.

Yaltaq üzə gülər, çapar arxada,
Üz bir olar, nə ki, çapar arxada.
Olma nanəcibə çapar, arxa da,
Budur nəsihətim sənə, baş, a baş.

Məmmədhüseyn, uyma yaxşı-yamana,
Qoyma saxta dostlar sənə yamana.
Al bir gözəl, göz dağıdır yamana,
Ömür eylə onla müdam, başabaş.