Biəməl elmlə ancaq keçinən cahildir

Eyni adda digər əsərlər üçün dəqiqləşdirmə səhifəsinə baxın.

Qəzəl Müəllif: Ruhi Bağdadi

Biəməl elmlə ancaq keçinən cahildir,
Kim ki, xətti rüxi-canını oxur kamildir.

Oxumaqla kişi kamilmi olur? La vallah!
"Mən ərəf" sirrinə hər kimi ki irür-kamildir.

Kimi batində edər seyr, kimi zahirdə,
Kiminin mənzili dərya, kiminin sahilidir.

Mərifət ola gərəkdir, kişidə, ey Ruhi,
Cahilin başı göyə irsə, yenə cahildir.