Bilməyib bu gecə bir fikri-məhal eyləmişəm

Bilməyib bu gecə bir fikri-məhal eyləmişəm
Müəllif: Ağadadaş Sürəyya
Mənbə: Tərtib edəni: Zaman Əsgərli (2005). XIX əsr Azərbaycan şeiri antologiyası (az). Milli Kitabxana. "Şərq-Qərb". Orijinal mənbədən 2016-03-05 tarixində arxivləşdirilib. Yoxlanılıb 2016-08-13.

Bilməyib bu gecə bir fikri-məhal eyləmişəm,
Arizuyi-hərəmi-bəzmi-vüsal eyləmişəm.

Meyi-gülfamı gətir, saqi, peya-pey bəzmə,
Gər həram olsa da mən anı həlal eyləmişəm.

Şəm tək hər gecə əbruyi-kəcin fikri ilə,
Əridib cismini, ey mah, hilal eyləmişəm.

Zövqi-ləlinlə girib gülşənə bəs ki, ey gül,
Eşqdə bülbüli-şuridəni lal eyləmişəm.

Ey Sürəyya, düşəni eşqinə ol mahvəşin,
Mərifət artinban, kəsbi-kamal eyləmişəm.