Candan eylədi

Candan eylədi Müəllif: Dirili Qurbani

Mənbə: Qəzənfər Kazımov. "Seçilmiş əsərləri (10 cilddə, III cild)" (PDF) (az.). Nurlan. 2008. 2018-09-05 tarixində arxivləşdirilib (PDF). İstifadə tarixi: 2018-09-05.

Pәncәrәdәn hayıl-mayıl baxan yar,
Baxan dilbәr mәni candan eylәdi.
Xun ciyәrim eşq oduna yaxan yar,
Yaxan dilbәr mәni candan eylәdi.

Neynirәm şәkәri, yemirәm qәndi,
Lәblәrin ver әmim, ürәyim yandı.
Yel atdı rübәndi, sinәn göründü,
Sinәn, dilbәr, mәni candan eylәdi.

Qorxum yoxdu sultanından, xanından,
At oxların peykan olsun canandan.
Tifil Qurbaninin axan qanından, –
Axan qanlar mәni candan eylәdi.