Düşdü (Aşıq Bəsti)

Eyni adda digər əsərlər üçün dəqiqləşdirmə səhifəsinə baxın.

Düşdü Müəllif: Aşıq Bəsti

Mənbə: "Azərbaycan aşıq şeirindən seçmələr, İki cilddə, I cild. Bakı, "Şərq-Qərb", 2005" (PDF) (az.). ISBN 9952-418-41-5. 2010-09-23 tarixində arxivləşdirilib (PDF). İstifadə tarixi: 2016-08-06.

Başım üstdən bulud keçdi,
Göz yaşı çəmənə düşdü.
Xəbər aldı Xançobanı,
Şivən qurmaq mənə düşdü.

Ağı deyib çox ağladım,
Göydə buludu saxladım,
Daş-torpağı qucaqladım,
Ah-naləm vətənə düşdü.

Bəsti neylər daha Löyü,
Bay olmasm bəylər bəyi.
Ünüm tutdu yeri-göyü,
Dağ dumana, çənə düşdü.