Dedi (Ərzurumlu Əmrah)

Disambig.svg Eyni adda digər əsərlər üçün dəqiqləşdirmə səhifəsinə baxın.
Dedi (Ərzurumlu Əmrah)
Müəllif: Ərzurumlu Əmrah
Mənbə: Anar (1999). Min beş yüz ilin oğuz şeri. Antologiya, I kitab. (az). Bakı: "Azərbaycan". 2017-07-08 tarixində arxivləşdirilib. 2017-07-08 tarixində istifadə olunub.

Bu gün dörd gözəlin seyrinə vardım,
Biri: Gelmə - dedi, biri: Gəl - dedi.
Dedim: Aşiq olub sizə dəmadəm,
Biri: Çalma - dedi, biri: Çal - dedi.

Birisinin adı Ayşədir, Ayşə,
İkisinin adı Nərgiz, Benövşə.
Biri dedi: Gəlin, salax atəşə,
Biri: Salma - dedi, biri: Sal - dedi.

Səfil Əmrah deyən Burda qalayım,
Bu fəna dərdimə dərman bulayım,
Hər yanaqdan bir cüt busə alayım,
Biri: Alma - dedi, biri: Al - dedi.