Deyil!

Deyil! (27.11.2020) Müəllif: [[Müəllif:Teymur Kərimli|Teymur Kərimli]]

Beli sınmış yağının! Yoxsa yalandırmı? – Deyil!

Neçə min il bu Zəfər, söylə, solandırmı? – Deyil!

Elə sovduq suyunu, damcıya həsrətdi yağı!

Düşmənin gölməçəsi, arxı dolandırmı? - Deyil!

Elə dəydi bu dəmir yumruğumuz boş başına,

Ağıl adlı orada nəsnə qalandırmı? – Deyil!

Çəkdi Bayraktarımız çünki zəhər dişlərini!

Bu ilan kimlərisə bir də çalandırmı? – Deyil!

Bu qədər zərbə yeyib, dərsini əzbərləməyib;

Pis əməldən daşınıb peşman olandırmı? – Deyil!

Dalğalansın ana göylərdə zəfər bayrağımız!

Düşmənin cındası bir də ucalandırmı? – Deyil!

ÖNDƏRİM it kimi qovdu ana yurddan yağını!

Daha innən belə Teymur qocalandırmı? – Deyil!