Deyirlər, aləmdə ən Gözəli sevgi-məhəbbətdir

Deyirlər, aləmdə ən Gözəli sevgi-məhəbbətdir! (1994) Müəllif: RAUF CAVAD

Deyirlər, aləmdə ən Gözəli sevgi-məhəbbətdir!
Gözəlliyi hər şeyə bəxş edən hikmət-Ədalətdir!

Bəs niyə gözlər görmür sirri? Eşqin gizli, Gözəlim?
Səndən savayı kim sevir hər gözəli, qəbahətdir?

Hara baxsam hər yerdə təzahür eyləmisən əksin,
Hər gövhərin sevgi mənbəyi eşqin ilə söhbətdir.

Güli-reyhan ruhi-zinyət, Arif Hikmət sözə heyran,
Nura qərq olan hüsnü-camalın Aşiqə sərvətdir!

Aləmə can verən qüdrət, həyatın başlanğıcı Sən,
Əvvəl-axır, sonun yoxluq, nurun varlıq, var-dövlətdir.

Bilmək kifayət deyil ki, bilən varsa söz qiymətin,
Xeyir deyilən hər işin ismi Sən, tək həqiqətdir.

Həyatın sirr mənası Adəmi-Həvva, kim bu Məcnun?
Əzəli-əbədi Əslin Kərəm, Leylan, xoş surətdir.

Ən Gözəli sevər Rauf, qucaqlar Şirin söz-eşqi,
SənSən sevgi səhnəsi, əsərdə Fərhad göz-diqqətdir!
               ...Müəllif:Rauf Cavad