Dilbǝra, eşqin sǝnin cismimdǝ canım canıdır

Dilbəra, eşqin sənin cismimdə canım canıdır Müəllif: Şah İsmayıl Xətai

Dilbǝra, eşqin sǝnin cismimdǝ canım canıdır,
Vǝsli rüxsarin xǝyali könlümün mehmanıdır.

Firqǝtin dövründǝ dilbǝr, xǝstǝ canım oldu zar.
Şǝrbǝti-lǝli-lǝbin bu dǝrdimin dǝrmanıdır.

Mehrü qǝhrindǝn anın, aşüftǝ könlüm, ğǝm yemǝ,
Kim, mana cövrü cǝfası lütfilǝ ehsanıdır.

Zahida, vermǝ nǝsihǝt eşqi tǝrk etgil, deyü
Aşiqin allah bilir kim, sevgisi rǝhmanıdır.

Ey Xǝtai, cövrü qǝhrindǝn cahanın incimǝ,
Hǝr nǝ kim bǝndǝ yoluna gǝlsǝ hǝq fǝrmanıdır.