Dodaq-dodağa

Dodaq-dodağa
Müəllif: Aşıq Fətulla
Mənbə: Yusif Səfərov (2011). Naxçıvan aşıqları və el şairləri (az). Naxçıvan: "Əcəmi" NPB. 2017-10-05 tarixində arxivləşdirilib. 2017-10-05 tarixində istifadə olunub.


Bahar fəsli, gül mövsümü gələndə
Ötüşər bülbüllər, qonar budağa,
iki həsrət bir-birini qucanda
Qoyarlar ləb-ləbə, dodaq-dodağa.

Pünhan-pünhan danışarlar, güləli ər,
Şümşad bilək, şana barmaq, gül əllər.
Qaydadı, gözəldən dilək diləllər,
Aşıqlar dilinə olmaz qadağa.

Fətulla eşqindən şirin güləndə,
Hərdən yar yanına pünhan gələndə,
İşarətlə dərdi-dilin biləndə
Canım olsun belə dosta sadağa.