Durnam (xalq mahnısı)

Eyni adda digər əsərlər üçün dəqiqləşdirmə səhifəsinə baxın.

Durnam Müəllif: Şifahi xalq ədəbiyyatı

Dilbər telin daramı, (bəzən: Qara telin daramı)

Yoxdur könlüm aramı! (bəzən: Yoxdur könül aramı!)

Sən ki, təbib deyildin,

Neyçün açdın yaramı? Durnam!

Sən haralısan sormam, (bəzən: sorma!)

Mən buralarda durmam!

Gedəlisən aslan yarım, (bəzən: əsmər yarım)

Gəl sinəm üstə, Durnam!

Yaralı Durnam!

Qarpız kəsdim yeyən yox,

Vallah dərdim bilən yox! (bəzən: dərdimi)

Yarım mənlə barışıb, (bəzən: Mən yarımla barışdım)

Gözün aydın deyən yox! Durnam!

Sən haralısan sormam, (bəzən: sorma!)

Mən buralarda durmam!

Gedəlisən aslan yarım, (bəzən: əsmər yarım)

Gəl sinəm üstə, Durnam!

Yaralı Durnam!

Qarpız kəsdim bar kimi, (bəzən: bal kimi və ya qan kimi)

Dilimlədim nar kimi.

Gördüm yarın əllərini, (bəzən: əllərin)

Gecə yağmış qar kimi, Durnam!

Sən haralısan sormam, (bəzən: sorma!)

Mən buralarda durmam!

Gedəlisən aslan yarım, (bəzən: əsmər yarım)

Gəl sinəm üstə, Durnam!

Yaralı Durnam!