Fəzli-fəyyazi-əzəl çün eylədi feyzini am

Fəzli-fəyyazi-əzəl çün eylədi feyzini am Müəllif: Həbibi

Mənbə: Həbibi. "Şeirlər" (PDF) (az.). "Şərq-Qərb". 2006. 2017-04-27 tarixində arxivləşdirilib (PDF). İstifadə tarixi: 2017-04-27.

Fəzli-fəyyazi-əzəl çün eylədi feyzini am,
Saqiya, dur cami-Cəm sun, sübhdürür, vəssəlam.

Sufiya, qoy nəngü nami, cami-safi nuş qıl,
Saqiyi-məhru əlindən, aşiqa, sən alma xam.

Könlünün ayinəsini hər nəfəs pak eyləgil,
Şol müsəffa ab ilə bu yengini anun müdam.

Meykədə içrə muqim ol, der isə piri-muğan,
Sən anun dür kimi sözün sima qıl, al ələ cam.

Rətbü yabis sözü qoy vaiz dimağın xuşgünü,
[Gərmü]-tər et cami-Cəmdən kim budur xeyrül-kəlam.

Ey Həbibi, sən müdam iç şol şərabın camını,
Anun əsrarını saxla, bilməsünlər xasü am.