Görüm (Mirzə Əli Ləli)

Görüm Müəllif: Mirzə Əli Ləli

Mənbə: Ziyəddin Məhərrəmov. "İrəvanda məktəbdarlıq və maarifçilik", Bakı, "Nurlan", 2010.

Bu yağışa dayanırmı dәmir, daş, görüm,
Qalaydı xeyrin, ilahi, qapında kaş görüm!

Yağış gәrәk çölә yağsın, nә şәhr, bazarә,
Nә xeyri var sәnә üstü başımı yaş görüm?

Bir aydı üst-başım zığdı, başmağım palçıq,
Özün mәlәklәr ilә bircә gün sulaş görüm.

Nә vaxt yağıbdı yağış, küçәlәrdә it boğulub,
Nә vaxt yağıbdı dolu, sındırıbdı baş görüm.

Bahalıq ildә acından ölәnlәri gördün,
Tapa bilir oların qırxı bir lavaş görüm?