Gəlir hər il bahar fəsli

Gəlir hər il bahar fəsli (1993) Müəllif: RAUF CAVAD

Gəlir hər il bahar fəsli,
Quşlar oxuyur gur səsli.

Xəbər verir, xoş nəzəri,
Yazın səsi, xoş xəbəri.

Gəlir yeni bahar səsi,
Canlanır yerin nəfəsi.
 
Oyanır gün, Lalə-Nərgiz,
Gül bülbülün nazı əziz.

Həyat sevinir ürəklə,
Hər yan əlvan, gül-çiçəklə.
 
Coşur damarlarda ilk qan,
Cuşə gəlir bədəndə can.

Təravətlənir söz ürək,
Arzulanır min cür dilək.

Düzülür qəlbə istəklər
Qalxır yerdən göyə mələklər.

Səma qovur buludları,
Boyayır bağ-bağçaları.

Yam-yaşıl rənglənir çəmən,
Gözəl görsənir Yasəmən.

Həyat hər Zaman bir andır,
Dostluq bizə ümid-candır.

Olun siz Mehriban-Rauf,
Etməyin həyata of-uf!