Gedirəm (Aşıq Əli Şairov)

Eyni adda digər əsərlər üçün dəqiqləşdirmə səhifəsinə baxın.

Gedirəm Müəllif: Aşıq Əli Şairov

Çərxi-fələk tərsə çaldı qələmi,
Olubdu sinəmdə yara gedirəm.
Əyyub tək olmuşam dərdə giriftar,
Yön çevirib bir diyara gedirəm.

Hayana hərləndim düşdüm mən tora,
Çəkilib sinəmə çal-çarpaz yara.
Bir ərizə yazaram Əli Mərdana,
Eyləsin dərdimə çara gedirəm.

Keçir bu dünyada ah-vaynan anım,
Açılmaz sərimdən çiskin, dumanım.
Əliyəm, atəşə qalanır canım,
İşim dönüb ahu-zara gedirəm.

Mənbə

• Araz Yaquboğlu, Daşkənd aşıqları və şairləri, Bakı, "Nurlan", 2008. səh.65