Get, səni gözüm görməsin

Get, səni gözüm görməsin Müəllif: Çoban Əfqan

Mənbə: Qara Namazov, "El çələngi" (xalq şeirindən seçmələr), Bakı, 2004.

 
Heyf mənim zəhmətimə,
Get, səni gözüm görməsin.
Sən nadanı adam sandım,
Get səni gözüm görməsin.

Öz yarından gen qaçansan,
Əğyarlarla canhacansan,
Var-dövlətə aldanansan,
Get, səni gözüm görməsin.

Əfqan eylər cənə nifrət,
Görən bundan alsın ibrət.
Sevdiyin də varmış xəlvət,
Get, səni gözüm görməsim.