Getdi (Aşıq Şenlik)

Eyni adda digər əsərlər üçün dəqiqləşdirmə səhifəsinə baxın.

Getdi Müəllif: Aşıq Şenlik

Necə ağlamayım, necə yanmayım,
Sonam, düşdü məndən aralı getdi.
Bir ox atdı, sinəm san-şan eylədi,
Sağı cismim yandı, paralı getdi.
 
Hicran qəhrindəyəm, bağlıdı qolum,
Sevda həsrətindən qalmayıb halım.
Canıma susayan o qanlı zalım,
Məni qoydu qəmdə, yaralı getdi.
 
Sanki bir mələkdi əlvanlı donda,
Pürrü pərvaz eylər hərə bir yanda,
Şenlik der, taqətim qalmadı canda,
Kəsildi səbrimin qərarı getdi.