Həvayi-eşq ilə doldur könül kaşanəsin, yarəb

Həvayi-eşq ilə doldur könül kaşanəsin, yarəb Müəllif: Zikri Ərdəbili

Mənbə: Tərtib edəni: Zaman Əsgərli. "XIX əsr Azərbaycan şeiri antologiyası" (PDF). Milli Kitabxana (az.). "Şərq-Qərb". 2005. 2016-03-05 tarixində arxivləşdirilib (PDF). İstifadə tarixi: 2016-08-13.

Həvayi-eşq ilə doldur könül kaşanəsin, yarəb,
Qəmi-eşq ilə təmir et bu qəm viranəsin, yarəb!

Meyü meyxaneyi-eşqin yolun bildirmə əğyarə,
Bəlalı aşiqə içdir bəla peymanəsin, yarəb.

Çəkib şanə dağıtdı zülfünü məşşateyi-naşi,
Pərişan könlümü sındırdı, smdır şanəsin, yarəb!

Rəqibim kakilündən könlümü istər rəha qılsın,
O kim istər yıxa bu xanəni, yıx xanəsin, yarəb!

Həqiqət atəşindən suznak eylə səməndər tək,
Ki nari-şəmə yandırma könül viranəsin, yarəb!

Xəyali-xalın ilə düşdü dami-zülfünə könlüm,
Bu nabina quşün sən damdə ver danəsin, yarəb!

Vüsali-yarə yetdi Zikri, amma hiç kəs bilməz,
Nə növ ilə əda qılsın bunun şükranəsin, yarəb?