Kölgəm ilə mən

Kölgəm ilə mən Müəllif: Əhməd Cavad

Bir gün bezdim, mən kölgəmə dedim ki:

-Bəsdir daha, əl götür bu yaxamdan!

Gecə-gündüz işin-peşən yoxmudur?

Çəkilməzsən bir dəqiqə arxamdan.

Uf demərəm aylar-illər uzunu,

Mən görməsəm o mübarək üzünü!

Kölgəm dedi: -Ey vəfasız səninlə

Bir saatda gəlmədikmi dünyaya

Dadsız ömrü nə eylərdim? Əzəldən,

Mən səninçün düşmədimmi qovğaya?!

Eh, bilsən də, bilməsən də eyniyik-

Mənə qalsa biz ayrılan deyilik.