Kor oldu

Kor oldu Müəllif: Aşıq Bəsti

Mənbə: Aşıq Bəsti. "Bənövşələr" (PDF) (az.). Gəncə. 2013. 2018-09-14 tarixində arxivləşdirilib (PDF). İstifadə tarixi: 2018-09-14.

Gözün baxa-baxa, qızın kor oldu,
Dərdin nə böyükdü, ay anam mənim!
Yazda-yayda dağlarını qar aldı,
Dərdin nə böyükdü, ay anam mənim!

Bir yar sevdim, yarımadım yarımdan,
Ellər zara gəldi, ahı-zarımdan.
Mən dönə bilmədim, düz ilqarımdan,
Dərdin nə böyükdü, ay anam mənim!

Bəsti, yandım, alov qalxdı başımdan,
Çay selləndi, gözlərimin yaşından.
Ayrı düşdü, torpağından, daşından,
Dərdin nə böyükdü, ay anam mənim!