Məndən o ahu gözlü nigarım rəmidədir

Məndən o ahu gözlü nigarım rəmidədir
Müəllif: Məhəmmədağa Cürmi
Mənbə: Tərtib edəni: Zaman Əsgərli (2005). XIX əsr Azərbaycan şeiri antologiyası (az). Milli Kitabxana. "Şərq-Qərb". Orijinal mənbədən 2016-03-05 tarixində arxivləşdirilib. Yoxlanılıb 2016-08-13.

Məndən o ahu gözlü nigarım rəmidədir,
Ram etmək olmaz ani ki, səyyaddidədir.

Bilməm, ilahi, neyləmişəm bivəfayə mən,
Məndən həzar nazüə damənkəşidədir.

Dil qeyrə vermisən deyibən, tərkim eylədi,
Qıldı bəhanə bir sözü kim, naşənidədir.

Kəsmiş, inan, taqətimi bir sənəmüzar,
Gülzari-hüsni-ruyinə xətə norəsidədir.

Ta gördü dami-zülfdə ol daneyi-xalın,
Dil mürğü aşiyani-tənimdən rəmidədir.

Dil vermə, gəl, bu zülfdə-sənəmsayə, Cürmiya,
Birəhmdir, cəfagərü imanbərəndədir.