Molla Abbas Cavanşir 5

Molla Abbas Cavanşir 5 Müəllif: Mir Möhsün Nəvvab Tərcüməçilər: Nəsrəddin Qarayev, Əkrəm Bağırov

Mənbə: Nəvvab, Mir Möhsün. Təzkireyi-Nəvvab (PDF). Bakı: Elm. 2018.

Nuşdarudur dövran, cami-möhnətdir məgər?

Saqiya, qəm badəsi üşşaqə qismətdir məgər?

Xabi-rahət eşqdə bidarlıqdır sübhədək,

Rahəti-əhli-cəfa, bu xabi-qəflətdir məgər?

Qəm gələndə könlümün viranına nifrət qılır,

Bu anisim mənzili çox təngü zülmətdir məgər?

Mürği-vəhşidən mənim başımda var cəmiyyətim,

Hakimi-mülki-cünun biizzü həşmətdir məgər?

Nəbzimi tutduqda dərmanımda acizdir təbib.

Bu mərəz kim məndə vardır, ziddi-hikmətdir məgər?

Dil şəfasiyçün dilər daim ləbin cüllabım,

Müzmin olmuş dərdinin dərmanı şərbətdir məgər?

Ol səfayi-gərdəni-minayə düşdü gözlərim,

Sə’y edib, can qılmışam, qurban mürüvvətdir məgər?

Özgə Abbasdan səva ruyinə sanma ağlayır,

Gün görən gözdən axan yaş əşki-həsrətdir məgər?

Mərhum cənab Axund Molla Abbasın qəzəlləri tamam oldu. Hicri 1309- cu ilin cəmadiyəl-əwəl ayının 3-də (5 dekabr, 1891).