Nazənin

Mənbə: Şair Məmmədhüseyn. "Nur çeşməsi" (PDF) (az.). Elm və təhsil. 2018. İstifadə tarixi: 2018-09-20.

Qədəm basıb xoş gəlmisən,
Sən bizim elə, Nazənin.
Qubarlanıb miskin könlüm,
Gəlibdi dilə, Nazənin.

Qəddi-qamətinə qurban,
Olmuşam hüsnünə heyran.
Həsrətindən vallah inan,
Düşmüşəm çölə, Nazənin.

Məmmədhüseyn sənə quldu,
Nə oldu ara vuruldu.
Saraldı şux gülüm soldu,
Sən bilə-bilə, Nazənin.