Nitqi-ǝnfasi-Mǝsihin dǝmbǝdǝm candır mana

Nitqi-ənfasi-Məsihin dəmbədəm candır mana Müəllif: Şah İsmayıl Xətai

Nitqi-ǝnfasi-Mǝsihin dǝmbǝdǝm candır mana,
Çünki mǝn Xızrǝm dodağın abi-heyvandır mana.

Bilmǝzǝm alǝmdǝ yarǝb, gǝrdişi-ǝyyami-ğǝm,
Lütfi-ehsanınmıdır, ya cövri-hicrandır mana.

Vermişǝm imanımı zǝnciri-zülfin küfrinǝ,
Bǝndi-zülfin küfrini gördüm nǝ imandır mana.

Dün rǝqibi-kafiri-gümrahilǝ eybindǝ kim,
Hǝr hekayǝtlǝr ki, qıldın cümlǝ pünhandır mana.

Bu Xǝtai birlǝ solmuş bir dǝxi, ey şahi-hüsn,
Ta dǝhanın xatǝmi-mehri-Süleymandır mana.