Olsun (Aşıq Abdulla)

Eyni adda digər əsərlər üçün dəqiqləşdirmə səhifəsinə baxın.

Olsun Müəllif: Aşıq Abdulla

Mötəbər gözəldir, ilqarı bütün,
Olur onun kimi gözəl yar olsun,
Ayrılmazdım onun gül camalından,
Yamanların evi tarimar olsun.

Bir alma göndərdim mən sənə, nigar,
Gözüm yollardadır, könlüm intizar,
Dərdi-qəmi varsa, məhəbbəti var,
Bir nişana göndər yadigar olsun.

Bizi ayrı salan çərxi-fələkdir,
Şirin canım yar yolunda hələkdir,
Atma Abdullanı, sənə gərəkdir,
Sirr sözün yadlara, aşikar olsun.