Qış ilə baharın deyişməsi

Qış ilə baharın deyişməsi
Müəllif: Aşıq Şenlik
Mənbə: Qəşəm Vəliyev (2012). Çıldırlı Aşıq Şenlik (az). Azərnəşr. achiqkitab.az. Yoxlanılıb 2017-02-14.

Qış ilə növbahar düşdülər bəhsə,
Bahar dedi nəbahatım var mənim,
Qış dedi ki, zəhmi-zəhər kanıyam,
El içində ədalətim var mənim.

Bahar der ki, mən özüm yetirrəm,
Zövqi-ziynət, nuri-rəhmət bitirrəm.
Süsən, sünbül, mor bənövşə bitirrəm
Əlvan-əlvan nəbatatım var mənim.

Qış dedi ki, mənəm fitnə xaini,
Donduraram dərələrin suyunu.
Çox görmüşəm Əbu-Sinan oyunu,
Əfsun olmaz təriqətim var mənim.

Bahar dedi, mən qiymətsiz bahayam,
Savalan yaylağı, el evgahıyam,
Cilvəli qızların seyrangahıyam,
Can almağa nəzakətim var mənim.

%75 tamamlandı