Qılmandan

Qılmandan Müəllif: Məlikballı Qurban

Mənbə: Azərbaycan aşıq şeirindən seçmələr, İki cilddə, I cild. Bakı, "Şərq-Qərb", 2005 (az). Orijinal mənbədən 2010-09-23 tarixində arxivləşdirilib. Yoxlanılıb 2016-08-06.

Ey ağalar, sizə bir ərz eyləyim,
Rovzeyi-rizvandan, huri-qılmandan.
Türrəyi-tərrari şahmara bənzər,
Bu tövr insandan, belə canandan.

Sinəsi mərmərdən, qəddi ərərdən,
Bir müşkü ənbərdən, mahi-ənvərdən,
Qəndi mükərrərdən, dili şəkərdən,
Zülfü pərişandan, qaşı kamandan.

Məhbubül məhbubdan, xosrüvi-xuban,
Zalımi-cansitan, telləri reyhan,
Məlikballı Qurban, yoxdur belə can,
Bir yan İsfahandan, ya Xorasandan.