Qəzəl (1, Zakir)

Qəzəl 1 Müəllif: Mir Möhsün Nəvvab Tərcüməçilər: Nəsrəddin Qarayev, Əkrəm Bağırov

Mənbə: Nəvvab, Mir Möhsün. Təzkireyi-Nəvvab (PDF). Bakı: Elm. 2018.

Bayram günüdür, zövqü səfa xanələr içrə,

Cananım oturmuş neçə cananələr içrə.

Bir hiylə ilə gizlənərəm zülf arasında,

Pünhan gedə bilsəydim əgər şanələr içrə.

Könlüm quşu pərvaz edər kuyi-nigarə,

Zahir ki, onun qisməti var danələr içrə.

Dil mülkünə göndər həşəmi-dərdü fəraqi,

Şənlik düşə ta bəlkə bu viranələr içrə.

Hicran qəminin badeyi-gülgündür əlacı,

Vazeh danışırlar bunu meyxanələr içrə.

Əzbəs ki, mənə şəfqəti var piri-müğanın,

Camım doludur gör neçə peymanələr içrə.

Ha böylə məni əql xərab eylədi, yoxsa,

Bir adəm idim əvvəli divanələr içrə.

Haşa, çəkib əl həmdəmi-dirinələrimdən,

Bir də dolanam aqilü fərzanələr içrə.

Kəm tutma rəhi-eşqdə bu Zakiri kim, var,

Yanmaqda onun şöhrəti pərvanələr içrə.