Q.Zakirin Məhəmməd bəy Aşiq Zəngilaniyə məzəmmət məktubu

Q.Zakirin Məhəmməd bəy Aşiq Zəngilaniyə məzəmmət məktubu Müəllif: Mir Möhsün Nəvvab Tərcüməçilər: Nəsrəddin Qarayev, Əkrəm Bağırov

Mənbə: Nəvvab, Mir Möhsün. Təzkireyi-Nəvvab (PDF). Bakı: Elm. 2018.

Eşitdim nameyi-mehrü məhəbbət,

Yetişir hər zaman Pəridən sənə.

Aşiqin məşuqu gərək çağ ola,

Nə hasil o quru dəridən sənə?

Əvvəl sevdin Fatma ilən Məryəmi,

Onların dalınca Şahisənəmi.

Belə sövda xarab eylər adəmi,

Özün bil, deyirəm həridən sənə...