Qalmağay erdi bu aləmdə məhəbbət kaş ki

Qalmağay erdi bu aləmdə məhəbbət kaş ki Müəllif: Sadıq bəy Əfşar

Mənbə: Sadiq bəy Əfşar. Şeirləri (Transfoneliterasiya və fotofaksimile). Bakı: Nurlan, 2010.s.53-54.

Qalmağay erdi bu aləmdə məhəbbət kaş ki,
Tuşkey erdivü berdin rəsmi-müvəddət kaş ki.
Çün əlif tək vahid olmaqdur cəhandin aqibət,
Tutmağay erdi kişi hiç kimlə ülfət kaş ki.
Bilməs ermişlər kişi qədrin vətən əbnası çün,
Tutğay erdi damənimni xaki-qürbət kaş ki.
Dersən, ey naseh ki, məndin tut nəsihət, aqil ol,
Tutğay erdi bu könül məndin nəsihət kaş ki.
Sihhətim verdi iyadətdin peşimanlıq sana,
Bermegey erdi mana əyyam sihhət kaş ki.
Öldürür, ey Sadiqi, ol ay bu gün-danla səni,
Bergey erdi bir-iki gün çərx möhlət kaş ki.