Quran (Məmmədhəsən Qəni oğlu və Tariyel Bilal oğlu tərcüməsi)/ŞƏMS SURƏSİ

Quran. ŞƏMS SURƏSİ Tərcüməçilər: Məmmədhəsən Qəni oğlu və Tariyel Bilal oğlu

(on beş ayədən ibarət Məkkə surəsi)

Mərhəmətli, rəhmli Allahın adı ilə!

1 And olsun günəşə və onun şəfəqinə,

2 onun ardınca çıxan aya,

3 onu aydın göstərən gündüzə,

4 onu bürüyüb örtən gecəyə,

5 səmaya və onu qurana,

6 уегә və onu döşəyənə,

7 Hər bir nəfsə [yaxud insana] və onu yaradana,

8 yoldan azmağın və Allahdan qorxmağın (nə olduğunu) ona öyrədənə ki,

9 onu [nəfsini] pak edən hər kəs artıq uğura qovuşmuşdur.

10 Onu (günaha) batıran hər kəs isə artıq ziyana düşmüşdür.

11 Səmud camaatı öz azğınlığı ilə (peyğəmbərlərini) yalançı hesab etdilər.

12 O zaman onların ən azğını (dəvəni kəsməyə) qalxdı.

13 Allahın peyğəmbəri isə onlara dedi: “Qoyun Allahın dəvəsi suyunu içsin."

14 Onlar isə onu yalançı hesab etdilər və onu [dəvəni] kəsdilər. Onların Rəbbi də etdikləri günaha görə onları qırıb yerlə-yeksan etdi.

15 O, belə işin aqibətindən qorxmaz.