Quran (Məmmədhəsən Qəni oğlu və Tariyel Bilal oğlu tərcüməsi)/ƏLƏQ SURƏSİ

Quran. ƏLƏQ SURƏSİ Tərcüməçilər: Məmmədhəsən Qəni oğlu və Tariyel Bilal oğlu

(on doqquz ayədən ibarət Məkkə surəsi)

Mərhəmətli, rəhmli Allahın adı ilə!

1 Hər şeyi yaradan Rəbbinin adı ilə oxu!

2 O, insanı bir döllənmiş toxumdan xəlq etdi.

3 Oxu! Sənin Rəbbin ən böyük kərəm sahibidir.

4 O, qələmlə (yazmağı) öyrətdi,

5 insana bilmədiklərini öyrətdi.

6 Хеуr! İnsan azğınlaşır,

7 ona görə ki, özünü varlanmış görür.

8 Axı dönüş ancaq sənin Rəbbinədir!

9 Sən gördünmü o kəsi ki, mane olurdu

10 bir bəndəyə namaz qılanda?

11 Bir de görək o [bəndə] düz yol üstündə isə

12 yaxud Allahdan qorxmağı əmr edirsə necə?!

13 Bir de görək, o [mane olan] (haqqı) yalan sanıb üz döndəribsə necə?!

14 Məgər o bilmir ki, Allah (hər şeyi) görür?

15 Хеуг! Əgər əl çəkməsə, and olsun ki, Biz onu kəkilindən tutub (cəhənnəmə) sürüklərik,

16 yalançı, günahkar kəkilindən.

17 Qoy o öz dəstəsini çağırsın,

18 Biz də (Cəhənnəm) gözətçilərini çağırarıq!

19 Xeyr, ona itaət etmə! Səcdə qıl və (Allaha) yaxın ol!