Sən yadıma düşürsən

Sən yadıma düşürsən (2014) Müəllif: Araz Yaquboğlu

Mənbə: "Araz Yaquboğludan dörd şeir" (az.). karabakhmedia.az. 01 avqust 2016. 2016-08-02 tarixində arxivləşdirilib. İstifadə tarixi: 2016-08-02.

Bir sevişən görəndə,
Bir öpüşən görəndə.
Bir küsüşən görəndə,
Sən yadıma düşürsən.

Sən yadıma düşəndə,
Öz dünyamdan qoparır.
Xəyal məni aparır,
On il əvvələ gülüm,
O xoş illərə gülüm.
Əllərimin əlinə
Dəydiyi o ilk günü.
Xatirəmdən çıxmayan,
O “ərk” günü tək günü,
Xatırlayıb ağlaram.
Ah necə də gözəlmiş,
Ötüb keçən o günlər.