Tanrı nurundan yaradıb

Tanrı nurundan yaradıb Müəllif: Aşıq Seyid İbrahim

Mənbə: Şəhla Musayeva. "Köhnə ustadla yeni tanışlıq" (PDF) (az.). archive.org. 2020. İstifadə tarixi: 2020-04-19.

Tanrı nurundan yaradıb,
Sallanıban gələn qızı.
Elə bil kövsərdən dadıb,
Mənə satır işvə-nazı.
 
Gözlərini süzüb gedir,
Bağrım başın üzüb gedir.
Ürəyimdə gəzib gedir,
Gərək qaldıram avazı.
 
Beli incə, gözü ala,
Uzaq olsun xəta-bəla.
İbrahim də çala-çala,
Dilləndirsin telli sazı.