Xəbər ver (Ağbabalı Aşıq Nəsib)

Xəbər ver Müəllif: Ağbabalı Aşıq Nəsib

Mənbə: "Qərbi Azərbaycan aşıqları" (poeziya antologiyası). Azərbaycan Aşıqlar Birliyi. Bakı, "Zərdabi nəşr" MMC, 2023. ISBN 978-9952-571-42-4

Sərini qarşımda nişanə qoyan，
Doqquz nədi, sənətindən xəbər ver.
Neçə doqquz bir-birinə bağlıdı，
O doqquzun qüdrətindən xəbər ver.

Doqquzu nə dildə edir söhbəti?
Doqquzu doqquzun buraxmır qəti.
O doqquzda nə görübsən xilqəti?
O doqquzun xilqətindən xəbər ver.

Doqquzu birləşib tapıb neçə yol，
Kim idi， onları eləyib qəbul，
Neçə şah， vəziri qabağında qul，
Nəsib deyər， hikmətindən xəbər ver!