Xoş gəldin!

Xoş gəldin! (18.11.2020) Müəllif: [[Müəllif:Teymur Kərimli|Teymur Kərimli]]

Ali Baş Komandana Xan Arazın dilindən.

Ölüm, çəkil cəhənnəm ol!

Yaşam, xoş gəldin, xoş gəldin!

Dizim tutar bu dağları

Aşam – xoş gəldin, xoş gəldin!

Sinəmə fərəh dolduran,

Başımı göyə qaldıran,

Goreşəndən yurd saldıran

PAŞAM! Xoş gəldin, xoş gəldin!

Bir gözəli çox özlədik,

Yoluna can qurban dedik.

Bir qərinə yol gözlədik –

Şuşam, xoş gəldin, xoş gəldin!

Ehey fələk! İşdər oldu,

Söz düşmənə neşdər oldu.

Bir zər atdım, şeşdər oldu –

Qoşam, xoş gəldin, xoş gəldin!

Qonağımdır BÖYÜK PAŞAM,

Nə söz tapam, nə söz qoşam?!

Sevincimdən əsəm, coşam,

Daşam! Xoş gəldin, xoş gəldin!