Yalvara-yalvara (Qaracaoğlan)

Eyni adda digər əsərlər üçün dəqiqləşdirmə səhifəsinə baxın.

Yalvara-yalvara (XVII əsr) Müəllif: Qaracaoğlan

Yar gərək yarın qeydinə,
Qala yalvara-yalvara.
Yüz naz ilə qol boynuna
Sala yalvara-yalvara.

Sevdim bir sərxoş Leylini,
Yadlara verməz meylini.
Küsdürüb sınıx könlünü,
Ala yalvara-yalvara.

Qaracaoğlan sözündə,
Canan xəyalı gözündə,
Qaldım həsrət, yar üzündə
Xala, yalvara-yalvara.